【最淒涼賀歲片】搵工App新年招假男友/女友演員

新年來來去去都係食團年飯呀拜年呀見下班親威咁，唔少得嘅仲有年年劇情都一模一樣咁滯嘅賀歲片呀，今年有人喺搵工app度post招聘廣告請演員𠻹喎。

毛毛年年都會演一套賀歲片，劇情年年都一樣，都係喺啲親戚面前扮成功同扮幸福，仲一年比一年好演技𠻹。今年仲見到有人喺搵工app度大年初一嗰日招演員扮男朋友同女朋友呀同自己做對手戲𠻹呀。

人工都唔錯喎，仲有得黐飲黐食，可惜毛毛冇175cm…..

計毛毛話你哋又搵人扮男朋友又搵人扮女朋友咁，毛毛幫你哋諗個辦法慳返幾個錢過年啦，使乜咁煩啫，互扮咪得囉！

猴年到，毛毛喺度恭祝大家，新嘅一歲有人同你一齊返屋企過年，恭喜恭喜。