商潮 散工App快招職

港人凡事講求速度、效率，求職亦想「快、靚、正」。三位年輕人察覺本港不少人對「散工」有需求，建立 「職到」流動應用程式，短時間內快速配對僱主及求職者，有效減少臨時工的缺席率，提升工作表現，更降低僱主的行政負擔。  撰文、攝影：文羨怡

幫你配對 「職到」創辦人之一的黃貝芝（Xania）本身從事紅酒生意，每當舉辦酒展等大型活動均急需聘請臨時工，「往往活動兩三日前搵散工係好難，又唔會特登落招聘廣告，本地無一個渠道畀僱主請臨時工。」 她又察覺到本地「散工」市場龐大，「有好多人想搵散工都冇平台，而散工喺美國、歐洲已經係非常流行嘅趨勢，甚至會有人全職做散工。」 Xania後來聯同拍檔張譯之（Mary）及房俊鋒（Eric）建立「職到」流動應用程式，專門配對空缺職位及臨時工作人員，僱主及僱員可透過手機App分別招聘及尋找散工和兼職，以「快」、「方便」作賣點。 「職到」App主要對象多是學生、家庭主婦，甚至全職「散工」，主打工種有中高級餐飲業、物流業及展覽各種臨時工，每份工作時薪45元至120元。僱員可按地點、工種、薪金等在App選擇理想的工作，Mary說：「我哋希望僱員可以喺最短時間內，搵到最近自己、人工最理想嘅工作，彈性非常大。」 「散工」需求大有市場 除了協助僱員「搵好工」外，「職到」App亦為僱主提供便捷的聘請體驗。Xania指僱主可在「職到」清晰列出招聘要求，「之後我哋會幫僱主做screening（篩選），例如打電話、要求求職者做網上測試，甚至做埋面試，務求省略僱主嘅請人程序，最快幫佢哋請到有質素嘅員工。」 Xania強調：「我哋都有管理同請人經驗，所以好了解用家心態，透過唔同方法，睇到求職者究竟有冇心做呢份工。」曾從事建築業的Mary有「落場管散工」的經驗，着重員工的工作態度。她表示：「有好多細微地方都可以露出馬腳，例如講嘢態度、儀容。」 兩小時配對工作 「職到」App投入運作已6周，成功配對100份工作，平均每份工的時薪達60元，最快2小時能夠配對工作。Xania指目前已建立網絡，有固定客戶定時要求「職到」聘請臨時工。 Xania坦言：「其實香港人真係好勤力，有好多人正職放工之後，甚至夜晚9點鐘後都會想搵工做，我哋主打較高人工嘅散工，如果可以幫人賺到錢，又改善生活質素，其實好有意思。」她期望日後可將服務範圍擴至其他地方，如中國內地等。

Mary（右）、 Xania（中）及Eric（左）看中「散工市場，建立 「職到」平台，方便僱主請人，僱員求職。

三位創辦人在Google及中大舉辦的「EYE年輕創業家家」計劃認識。

職到」App分兩個版本供僱主（左）及求職者(右)使用。

職到」剛獲選加入太古地產的「blueprint」創業加速計劃。